Get Adobe Flash player

Archive for 5 月 2011

真正百看不厭的婚禮照片

Facebook Twitter Email

近日生意淡薄,比較得閒,於是便執下harddisk內的files,清理下部電腦。
途中發覺一張相片令我再次提醒自己甚麼是婚禮攝影最重要的!

近年來興起的snap shot拍攝,從另一角度補足新人或賓客的動靜、又或者”哈碌”野、又或者係近排好興的”chok”樣/”chok” pose等等,有些人會話呢D叫做感動位。

而傳統的集體合照 (standard group photo )近年住住被新人忽略的,好多人會認為一張123笑的集體相無乜重要,是旦一個影都得。甚至乎選擇婚禮攝影師時,只會著重那些所謂”感動位”的相片,從來唔會考慮集體合照的質素如何。

風格/潮流呢樣野係會隨時間而轉變的,今時今日如果著條喇叭褲出街的話,我諗真係會潮到核爆都似。相片都一樣的,話唔定10年後再看看”飛頭紗”的婚紗相,又或者那些”世界末日”feel的照片,你睇都唔想睇的。

但婚禮的禮堂前合照是百看不厭的!

若正在找婚禮攝影服務的新人,切記要求觀看集體相的質素才作決定。
比個tips大家,某些說法是用影樓燈就係靚野,甚至乎用影樓燈來做賣點,但我並不完全認同影樓燈係一定靚過普通的機頂閃燈的。大多數情況下,只要識得set,一般機頂閃燈的效果在婚禮拍攝上其實夠晒有突的。選擇集體合照最好的方法是問一個問題 — 「你能用菲林拍攝集體合照嗎?」,菲林拍攝無得做後期製作,質素全靠攝影師的功力。若能夠膽提供攝林拍攝的公司,而sample是ok的話,相信那間便是你要找的吧!

一張四四正正的禮堂前合照可以掛在牆上幾十年都唔覺out的!

Facebook Twitter Email